बिर्तामोड । झापाको दुई स्थानमा आज राती बम बिस्पोट गराएको आशङ्कामा दुई जना पक्राउ परेका छन् ।
उनीहरुलाई बिर्तामोड – २ चारपानेबाट बिहान ४ बजे पक्राउ गरेको झापाका प्रहरी प्रवक्ता महेन्द्र कुमार श्रेष्ठले जानकारी दिए । आज मध्यरातमा बिर्तामोड- २ चारपानेमा रहेको सहारा नेपालको निर्माणाधिन कार्यलय र गौरादस्थित नगरपालिकाका प्रमुख प्रशासकीय अधिकृत सागर मिश्रले प्रयोग गर्ने सवारीमा एकै समयमा बिस्पोट गराइएको थियो ।
सहारा नेपालको सीसी क्यामेरा फुटेजका आधारमा उनीहरुलाई पक्राउ गरिएको हो । बम बिस्पोटको घटनामा थप अनुसन्धान भइरहेको प्रवक्ता श्रेष्ठले जानकारी दिए ।
सहारामा प्रेसर कुकर बम बिस्पोट हुँदा कार्यलयको झ्याल र गार्डकक्ष पूर्णरूपमा क्षति भएको बताएको छ । यस्तै बिस्पोटबाट गौरादह नगरपालिकाको सवारीमा क्षति पुगेको छ ।
प्रतिबन्धित बिप्लप समुहले सो बिस्पोट गराएको हुन सक्ने सुरक्षा अधिकारीले बताएका छन् ।
ईजलास डटकम बाट
