१६ जेठ गौरीगञ्ज । १६ बर्षिया एक किशोरीलाइ बलात्कार गरेको आरोपमा गौरीगञ्ज ३ का अन्दाजि ५० वर्षिय दाहाल साइला भनिने गोबिन्द दाहाल पक्राउ परेका छन् ।पिडित किशोरी ले दिएको जाहेरीको आधारमा इलाका प्रहरी कार्यालय गौरीगञ्जले उनलाइ पक्राउ गरेको बताएको छ ।
गत मँसिर दोश्रो हप्ता तिर किशोरीको आमा बुबा दुबै उपचारका लागि भारत गएको बेला घरमा एक्लै भएको मौका छोपि दाहालले बलात्कार गरेको पिडित किशोरीले बताएकी छन् । बलात्कार पछी ज्यान मार्ने धम्की दिएका कारण पिडित किशोरीले लामो समय सम्म घटना लुकाएको र गत चैत मा लकडाउन अघि उनका आमा बुबा पुन: उपचारका लागि भारत जान खोज्दा छोरी डराएको र त्यसपछी मात्र घटनाको बारेमा उनले अभिभावकलाइ भनेको कुरा पिडित किशोरीका बुवाले बताएका छन् । दाहाललाइ हिरासतमा राखेर अनुसन्धान अघि बढाइएको कुरा इलाका प्रहरी कार्यालयका प्रहरी निरीक्षक गणेश भट्टराइले बताएकाछन् ।
