माघ ३, झापा । गीतकार गोपाल राजवँशीको कोच राजवँशी भाषाको गीति एलबम् बेदना, भाग ५ को पहिलो म्युजिक भिडियो फेसबुकेर जालत शनिबार सार्वजनिक गरिएको छ । अहिलेका चर्चित गायक बलबहादुर राजवँशी र गायिका मेलिना राइको युगल स्वरमा रहेको गीतको म्युजिक भिडियो गायक बलबहादुर राजवँशी को अफिसियल युट्युब च्यानलबाट सार्वजनिक गरिएको छ ।
त्रिकोणात्मक प्रेमकथाको स्क्रिप्ट मा तयार भएको म्युजिक भिडियोमा भिमफेदी गाइजका कलाकारहरु सँग बिनिता ताजपुरिया र रञ्जिता तामाङको सुन्दर अभिनय लाइ फिचरिङ गरिएको छ ।
निर्मल कुमार लामाको निर्देशन र पवन शुसलिङको क्यामेराग्राफीमा तयार भएको उक्त म्युजिक भिडियो चितवन र झापा आसपासका ग्रामिण क्षेत्रहरुमा छायाँकन गरिएको छ ।
कोच भाषा का चर्चित गीतकार गोपाल राजबँशीको एलबम बेदना भाग ५ को लागि तयार भइ रहेको यो म्युजिक भिडियो कोच भाषा कै अहिले सम्मको सबै भन्दा महँगो म्युजिक भिडियो रहेको कुरा निर्माण पक्षले गौरीगञ्ज दर्पण डटकम लाइ जानकारी दिएको छ ।
फेसबुकेर जालत बोलको उक्त गीतमा शब्द गोपाल राजवँशीको रहेको छ भने गीतलाइ गायक बल बहादुर राजवँशीले नै सँगित बद्ध गरेकाछन् । बेदना भाग ५ मा समावेश हुने ४ वटा गीत मध्ये ३ वटा रेकर्ड भइ सकेको छ । एकोस्टिक स्टुडियोमा रेकर्ड गरिएका एल्बमका गीतहरुलाइ एरेञ्जर सुरज श्रेष्ठले म्युजिक एरेञ्ज गरेकाछन् ।
हेर्नुहोस भिडियो-