गौरीगञ्ज । अपाँगता भएका ब्यक्तीहरुलाई परिचय पत्र बितरणको अधिकार स्थानीय तहलाई प्रयायोजन गरेपछी गौरीगञ्ज गाउँपालिकाले सो परिचय पत्र बितरण प्रकृया बारे एक दिने अन्तरकृया गरेको छ ।
महिला तथा बालबालिका शाखाको आयोजनामा भएको सो अन्तरकृयामा जनप्रतिनिधीहरु र शाखा प्रमुखहरुको उपस्थिती थियो । श्याम पोख्रेलको सहजिकरणमा भएको अन्तरकृयामा अपाँगताको परिचय, प्रकार र नयाँ ऐन र नियमाबली अनुसार कस्ता अपाँगता भएका ब्यक्तीलाई कुन बर्गको परिचय पत्र दिने भन्ने कुराको चर्चा गरिएको थियो ।
गाउँपालिका प्रमुख बाबुराजा श्रेष्ठको अध्यक्षतामा भएको कार्यक्रममा उपाध्यक्ष दिपेन्द्र थापा, ईलाका प्रसासन प्रमुख राजु दाहाल, अपाँगता सहयोग समितीका अध्यक्ष शेरमान बुढाथोकी लगायतको उपस्थिती थियो । गाउपालिका बाटै अपाँगता परिचय पत्र बाड्ने सबै कामको तयारी भई सकेको र आउदो साउन देखि गौरीगञ्ज गाउँपालिका महिला तथा बालबालिका शाखा बाटै परिचय पत्र बितरण गरिने कुरा शाखाका प्रमुख शुष्मा कोईरालाले बताए
