धरानमा मृत्यु भएका मोरँगका सँक्रमित पुरुष भारत स्थित ससुराली बाट फर्केर घरमै बसेका थिए ।

१४ साउन, विराटनगर । बीपी कोइराला स्वास्थ्य विज्ञान प्रतिष्ठान, धरानमा उपचारका क्रममा ज्यान गुमाएका कोभिड-१९ संक्रमित केही दिन अघि भारतबाट आएको खुलेको छ । उनि भारत स्थित ससुराली बाट फर्केर सिधै मोरँगको सुनबर्षि नगरपालिका ८ सिक्टी स्ञित घरमै गएर बसेको खुलेको छ ।
कोरोना सक्रमण पुष्टि भएपछि कोशी अस्पताल विराटनगरले गम्भिर अवस्थाका मोरङ सुनबर्सी नगरपालिका- ८ सिक्टीका ४५ वर्षीय पुरुषलाई धरान रिफर गरिएको थियो । दिउँसो धरान पुगेका पुरुषको बेलुका पौने ५ बजे मृत्यु भएको प्रतिष्ठानका प्रवक्ता डाक्टर निदेश सापकोटाले जानकारी दिएका छन् ।
सुनबर्सी नगरपालिका मेयर कालिप्रसाद दासकाअनुसार मृतक पुरुषको ससुराली घर भारतको बिहारमा पर्छ । उनी हालै भारतबाट विरामी अवस्थामा घर फर्किएका थिए । तर उनी भारतबाट आएर घरमा बसेको जानकारी स्थानीय प्रशासनले नपाएको दासले बताए ।
दुई महिना अघि भारतबाट फर्किदा क्वारेन्टिनमा बसेका उनी दोस्रो पटक र्फकदा भने कसैले जानकारी पाएका थिएन् । ‘७-८ दिन अघि भारतबाट आएका रहेछन्’ जिल्ला प्रहरी कार्यालय मोरङका प्रहरी उपरीक्षक सन्तोष खड्काले भने ।
स्वास्थ्यमा गम्भिर समस्या भएपछि मंगलबार कोशी अस्पताल, विराटनगर आएका थिए । ‘फिबर क्लिनिक आएपछि आइसोलेसनमा भर्ना गरेर स्वाब संकलन गर्न लगाएको थियो’ अस्पतालका सिनियर फिजिसिन डाक्टर दीपक सिग्देलले भने ‘विरामीको अवस्था गम्भिर थियो, रिपोर्ट पोजेटिभ आएले धरान रिफर गरिएको हो ।’