नेपाली कांग्रेसले झण्डै एक बर्ष पछि केन्द्रीय समिति बैठक बोलाएको छ। पार्टी सभापति शेरबहादुर देउवाले असार २७ गतेबाट सुरू हुने गरी केन्द्रीय समिति बैठक आह्वान गरेका छन् ।
कांग्रेसले गत वर्ष साउनमा केन्द्रीय समिति बैठक राखेको थियो। विधानअनुसार प्रत्येक दुई महिनामा केन्द्रीय समिति बैठक बस्नुपर्ने हुन्छ।
कांग्रेसले गत मंसिरमा भएको प्रतिनिधि सभा र प्रदेश सभा चुनावको समीक्षासमेत गरेको थिएन। केन्द्रीय सदस्य मधु आचार्यले केन्द्रीय समिति बैठक बोलाउन केन्द्रीय कार्यालयमा ध्यानाकर्षण पत्रसमेत दर्ता गरेका थिए।