मँसिर ५ गौरीगञ्ज । हिजो सम्पन्न भएको ३१ औ साधारण सभाबाट गठित निर्वाचन समितीले निर्वाचन कार्यक्रम तालिका सार्वजनिक गरेको छ । गोबिन्द घिमिरे सँयोजक रहेको समितीले आज बुधबार बिहान निर्वाचन कार्यक्म तालिका सार्वजनिक गरेको हो । सार्वजनिक गरिएको तालिका अनुसार आज मँसिर ५ गते बुधबार बिहान ११ बजे मतदाता नामावली प्रकाशन गर्ने र आजै बिहान ११ बजे देखि २ बजे सम्म मतदाता नामावली माथि दाबि बिरोध तथा आजै दिउसो ४ बजे मतदाताको अन्तिम नामावली प्रकाशित गर्ने जनाएको छ ।
त्यसैगरि भोलि मासिर ६ गते बिहिबार बिहान ११ बजे देखि २ बजे सम्म उम्मेद्वार मनोनयन दर्ता र दिउसो सवा २ बजे उम्मेद्वारहरुको नामावली प्रकाशन गर्ने जनाएको छ । त्यस्तै उम्मेद्वारहरु माथि दाबि बिरोध भोली दिउसो साढे २ देखि साढे ३ बजे सम्म गर्न पाइने र दिउसो साढे २ देखि साढे ४ बजेसम्म उम्मेदवारी फिर्ताको समय तोकेको छ ।
त्यसैगरि मँसिर ७ गते शुक्रबार दिउसो १ बजे उम्मेद्वारहरुको अन्तिम नामावली प्रकाशन गर्ने र मँसिर १० गते सोमबार बिहान ११ बजे देखि ३ बजे सम्म मतदान हुने तालिका प्रकाशित गरेकव छ । तालिका अनुसार मँसिर १० गते नै मतदान पश्चात मतगणना र मत परिणाम घोषणा गर्ने जनाएको छ ।
