साउन १, मोरँग । आज साउन १ गतेदेखि जोगवनी नाकामा कडाइ गर्ने भएको छ । बाट भारतीय बजार जोगवनी जान कडाइ गर्ने भएको छ । भारतीय बजारमा किनिएका मालसामानको भन्सार पास नगरी नेपाल भित्र्याउन नदिन जोगवनी भन्सार नाकामा कडाइ गर्न लागिएको हो ।
बिनाभन्सार मालसामान नेपाल भित्र्याउँदा स्वदेशी बजार अर्थात विराटनगरका व्यापारी प्रभावित भएको भन्दै महानगरपालिले सीमा नाकामा कडाइ गर्न लागेको हो ।
विराटनगरका मेयर नागेश कोइरालाले महानगरबासीहरुले अत्यधिकरुपमा भारतीय बजार जाँदा विराटनगरको बजार सुक्दै गएका कारण स्थानीय व्यापार प्रवद्र्धनका लागि भन्सारमा कडाइ गर्न लागिएको जानकारी दिए ।
यसअघि रवि लामिछाने गृहमन्त्री हुँदा एक सय रुपैयाँसम्मको सामान आयात गर्न छुट दिइएको थियो । तर, लामिछाने पदमुक्त भएसँगै उक्त नियम कार्यान्वयन भएको छैन् ।
मेयर कोइरालाका अनुसार अब हरेक सामान ल्याउँदा अनिवार्य भन्सार तिर्नुपर्ने छ । उनले जोगवनी नगएर विराटनगरमै सामान खरिद गर्न महानगरबासीलाई अपिलसमेत गरेका छन् । ‘विराटनगरबासीहरु सस्तो सामान पाइन्छ भनेर जोगवनी गएको देखिन्छ,’ उनले भने, ‘अब जोगवनी जाने काम बन्द गरिदिनुहोस्, विराटनगरकै व्यापारीलाई सहयोग गरौँ ।’
