असोज २, गौरीगञ्ज । शिक्षक आन्दोलनका कारण गौरीगञ्ज गाउँपालिकाको शिक्षा दिवसको कार्यक्रम स्थगित भएको छ ।
नयाँ शिक्षा बिधेयकको बिरोध गर्दै नेपाल शिक्षक महासंघको आव्हान देशभरका शिक्षक आन्दोलित भएपछि आज गौरीगञ्ज गाउँपालिकाले शिक्षा दिवसको अवसरमा गर्ने भनिएको अन्तर विद्यालय वक्तृत्वकला प्रतियोगिता स्थगित भएको कुरा शिक्षा शाखा गौरीगञ्जका प्रमुख टँक खरेलले बताए ।
गौरीगञ्ज गाउँपालिकाले आज शिक्षा दिवसको अवसरमा अन्तर विद्यालय वक्तृत्वकला प्रतियोगिता र सामुदायिक विद्यालयका जग्गा दाता तथा अबकास प्राप्त शिक्षक हरुको सम्मान गर्ने कार्यक्रम तय गरेको थियो ।
शिक्षक आन्दोलनका कारण आजको कार्यक्रम स्थगित भएको र सो कार्यक्रम कहिले गर्ने भनि अहिले नै भन्न नसकिने कुरा शिक्षा शाखा गौरीगञ्जले जनाएको छ । शिक्षा समितिको बैठकले उपयुक्त समय हेरी कार्यक्रम को मिति तय गर्ने कुरा शिक्षा शाखा प्रमुख खरेलले बताए ।