भान्सामा आगलागी हुँदा साढे तीन लाखको क्षति

माघ १९, गौरीगञ्ज । झापाको गौरीगञ्ज गाउँपालिका वडा नँ ४ को बाईसिटोलमा आगलागी हुँदा स्थानीय काशीराम गिरीको भान्सा घर पुर्ण रुपमा जलेर नष्ट भएको छ । आज शुक्रबार दिउँसो भएको आगलागी बाट भान्सा रहेको दुइ वटा साईकल, दुइवटा पँखा ग्यास चुल्हो मोटर, अन्नपात लगायतका सामानहरु जलेर नष्ट भएको हो ।

आगलागीबाट करिब साढे तीन लाखको क्षति भएको पिडितले बताएका छन् । स्थानीय हरु र सुरक्षा कर्मीहरुको सहयोगले आगो नियन्त्रणमा लिइएको थियो । आगो नियन्त्रणमा आइसकेपछि बारुण यन्त्र आइपुगेको थियो ।‌ घरमा कोहि नभएको बेला आगलागी भएको र आगलागीको कारण पता नलागेको स्थानीय हरुले बताएका छन् ।