चैत २९, गौरीगञ्ज । समकालीन समयका चर्चित गायक बलबहादुर राजबँशीको नयाँ कोच भाषि गीत “कल्पना” एकै दिन दुई भाषामा रिलिज हुने भएको छ । कोच भाषि एलबम”बेदना” भाग- ५ भित्र समेटिएको गीत कल्पना बैशाख १ गते कोच भाषि हरुको महान पर्व सिरुवा पावनी को अबसर पारेर कोच भाषा र आसामी राजवँशी भाषामा रिलिज हुने भएको हो ।
बरिष्ठ राजवंशी गीतकार गोपाल राजवँशीको शब्द रचना रहेको गीतमा गायक बलबहादुर राजबँशीसँग अहिलेका थारु गीत सँगीतकी चर्चित गायिका अनु चौधरी ले जुगलबन्दी गरेकी छिन् । गीतको म्युजिक भिडियो मा गायक राजवँशीले आफै अभिनय गरेका छन् भने उनलाई आसामी मोडेल तथा नायिका रिमा मेधीले अनस्क्रिन रोमान्स सेयर गरेकी छिन् । म्युजिक भिडियोको छायांकन भारतको चेरापुञ्जीको रमणिय स्थान हरुमा गरिएको छ भने भिडियो को निर्देशन सुबोध रसाईली ले गरेका छन् ।