फागुन २ गौरीगञ्ज । कोच साम्राज्यको ईतिहास सँग जोडिएका योद्धा महाबिर चिल्लारायको ५ सय १२ औ जन्मोत्सव गौरीगञ्जको चिल्हारा मनाउने भएको छ । चिल्लारायको इतिहास सँग गाँसिएको एतिहासिक ठाउँ चिल्हारा मा यहि फागुन ४ गते सो जन्मोत्सव मनाउन लागिएको हो । राजवंशी समाज बिकास समिति झापाको आयोजनामा सो कार्यक्रम गर्न लागिएको कुरा समिति की उपाध्यक्ष नौताली राजवँशीले जनाएकी छिन् ।
कार्यक्रम ब्यवस्थित रुपमा आयोजना गर्न स्थानीय बुद्धिजीवी रत्नरश्वर राजवँशीको सँयोजकमा ९ सदस्यीय व्यवस्थापन समिति समेत गठन गरिएको छ । कार्यक्रम चिल्हारा स्थित दिना भद्री मन्दिर को चौरमा गरिने कुरा सँयोजक राजवँशीले जनाएका छन् ।