दमक नगरपालिकाको प्रमुख पदमा राष्ट्रिय प्रजातन्त्र पार्टीका तर्फबाट उम्मेद्वार बनेका रामकुमार थापा नगरप्रमुखमा निर्बाचित भएका छन् भने उपप्रमुखमा नेपाली कांग्रेसबाट रेगिना भट्टराई निर्वाचित भएको हो ।
नगर प्रमुखमा निर्वाचित थापाले १७५२५ मत प्राप्त गरेका छन् । उनका निकटतम प्रतिद्वन्द्वी नेपाल कम्युनिष्ट पार्टी (एमाले)का तर्फबाट उम्मेद्वार गीता कुमारी पाौडेल अधिकारीले १७०७२ मत प्राप्त गरेका छन् । थापा र अधिकारीको मतान्तर ४५३ रहेको छ ।
यता उपप्रमुख पदमा निर्वाचित भट्टराईले १६९६६ मतन प्राप्त गर्दा उनका निकटतम प्रतिद्वन्द्वी नेपाल कम्युनिष्ट पार्टी(एमाले)का उम्मेद्वार अम्विका प्रसाद खनालले १६५७४ मत प्राप्त गरेका छन् । उपप्रमुख पदमा भट्टराई र खनालको मतान्तर ३९२ रहेको छ ।
वडा तर्फभने दमक १ मा नेपाल कम्युनिष्ट पार्टी(एमाले)का तर्फबाट हरि प्रसाद न्यौपाने, २ मा नेपाल कम्युनिष्ट पार्टी(एमाले)का तर्फबाट प्रजापति सापकोटा, ३ मा नेपाल कम्युनिष्ट पार्टी(एमाले)का तर्फबाट नवीन वरााल, ४ मा नेपाली कांग्रेसका पुण्य प्रसाद दाहाल निर्वाचित भएका छन् भने दमक नगरपालिका वडा नम्वर ५ मा नेपाल कम्युनिष्ट पार्टी(एमाले)का इन्द्र वहादुर गुरुङ, ६ मा नेपाल कम्युनिष्ट पार्टी(एमाले)का टेकवहादुर थापा , ७ मा राष्ट्रिय प्रजाातन्त्र पार्टीका भीम प्रसाद पौडेल, ८ मा नेपाल कम्युनिष्ट पार्टी(एमाले)का धर्म प्रसाद दाहाल, ९ मा नेपाल कम्युनिष्ट पार्टी(एमाले)का कुवेर प्रसाद भट्टराई र वडा नम्वर १० मा नेपाली कांग्रेसबाट राजेन्द्र प्रसाद भण्डारी निर्वाचित भएका छन् । दमक नगरपालिकामा राष्ट्रिय प्रजातन्त्र पार्टीसंग गठबन्धन भएको थियो । जसमा नेपाली कांग्रेसले प्रमुख पद राप्रपालाई दिएको थियो भने उपप्रमुख पद नेपाली कांग्रेसले लिएको थियो । जसका कारण दुवै पद गठबन्धनले हात पारेको हो । योसँगै दमकमा एमालेको लामो समयदेखिको विरासत ढलेको छ ।
