मँसिर २७ गौरीगञ्ज । ३१ औ बार्षिकोत्सबको अबसरमा गौरीगञ्ज ३ स्थित गौरीगञ्ज बहुमुखि क्याम्पसले म्याराथन दौड प्रतियोगिताको आयोजना गर्ने भएको छ । क्याम्पसको बार्षिकोत्सब सप्ताह अन्तर्गत भोली २८ गते बुधबार क्याम्पसमा अध्ययनरत बिद्यार्थीहरु बीच ३ हजार मीटरको म्याराथन दौड हुने कुरा दौडका सँयोजक बिक्की साहले बताएका छन् ।
कार्यक्रमको सेड्युल अनुसार बुधबार बिहान ७:३० बजे गौरीगञ्ज चोक बाट दौड शुरु भएर क्याम्पसको गेट पुगेर फेरी गौरीगञ्ज चोक मै आएर समापन हुनेछ । दौडमा प्रथम हुने बिद्यार्थीले नगद रु २ हजार ५ सय सहित प्रमाणपत्र र मेडल पुरस्कार पाउने छन् भने दोश्रो हुने बिद्यार्थीले नगद रु १ हजार ५ सय सहित प्रमाण पत्र र मेडल पाउने छन् । त्यसैगरि तेश्रो हुने बिद्यार्थीले नगद रु १ हजार सहित प्रमाणपत्र र मेडल प्राप्त गर्ने छन् । हरेक बर्ष क्याम्पसले बार्षिकोत्सब सप्ताह अन्त्य गर्दै पुस २ गते भब्य रुपमा बार्षिकोत्सब मनाउदै आएको छ ।