भदौ ३१, गौरीगञ्ज । गौरीगञ्जकी कलाकार कृषाला भट्टराई को दोश्रो म्युजिक भिडियो सार्वजनिक भएको छ । युवा पुस्ता माझ चर्चित अहिलेकी समकालीन गायिका एलिना चौहानको अफिसियल युट्युब च्यानल बाट बुधबार सो म्युजिक भिडियो सार्वजनिक गरिएको हो । मर्ने एउटै बाटो – २ बोलको सो म्युजिक भिडियोमा कृषाला सँग मोडेल मोनु शाहले स्क्रिन सेयर गरेका छन् भने सो म्युजिक भिडियोको निर्देशन मिलन कँडेलले गरेका छन् ।
एलिना चौहान र मिलन कँडेलको स्वरमा सजिएको गीतलाई गायक मिलन कँडेलले नै सँगित भरेका छन् भने गीतका शब्दहरु समेत उनैले लेखेका छन् । यस अघि गायक मिलन कँडेल र प्रसना पाठको आवाजमा रिलिज भएको मर्ने एउटै बाटो हुन्छ को सिक्वेलको रुपमा यो म्युजिक भिडियो सार्वजनिक गरिएको हो ।
गौरीगञ्जकी कृषाला भट्टराई ले यस अघि गायक बादल थापाको मुटु साट्यौ होला बोलको म्युजिक भिडियो बाट रङ्गमञ्चको क्षेत्रमा डेब्यु गरेकी थिइन ।