बैशाख ४, गौरीगञ्ज । निर्वाचन आचार संहिता लागु भइसक्दा समेत गौरीगञ्जका वडाध्यक्ष हरुले अझै सरकारी मोटरसाइकल प्रयोग गरिरहेका छन् । यद्यपि गाउँपालिका उपाध्यक्ष दिपेन्द्र थापा ले केहि दिन पहिले र गाउँपालिका अध्यक्ष बाबुराजा श्रेष्ठ ले आईतबार आफुले प्रयोग गर्दै आएको सरकारी मोटरसाइकल तथा स्कार्पियो गाडीको चाबी प्रमुख प्रशासकीय अधिकृत कृष्ण कार्की लाई बुझाएका छन् । गत चैत २५ गते मध्यरातदेखि निर्वाचन आचार संहिता लागु भएसँगै आगामी निर्वाचनमा उम्मेदवार हुन ईच्छुक वडाध्यक्ष लगायतका जनप्रतिनिधि हरुले सरकारी सवारी साधन प्रयोग गर्न पाईदैन ।
बैशाख ३० गते हुन गईरहेको स्थानीय तहको चुनाव मा अहिलेका बहालवाला सबै वडाध्यक्ष हरु उम्मेदवार का आकाँक्षी हुन् । आ-आफ्ना दलका तर्फबाट सबै वडाध्यक्ष हरुले वडाध्यक्ष पदमा दोहोरिन चाहेको आसय सहित उम्मेदवारी मा आफ्नो नाम पठाइसकेका छन् ।
आचार संहिता लागु भएसँगै वडाध्यक्ष लगायतका जनप्रतिनिधि हरुलाई विकास निर्माण लगायतका योजनाहरुको अनुगमन गर्ने रोक लगाईएको छ । यतिबेला अनुगमन को काम नभएको बेला वडाध्यक्ष हरुले सरकारी मोटरसाइकल पार्टी को बैठकमा जान तथा भोट माग्न जाँदा प्रयोग गरिरहेका छन् ।
प्रमुख प्रशासकीय अधिकृत कृष्ण कार्की का अनुसार अध्यक्ष र उपाध्यक्ष ले प्रयोग गर्दै आएको सवारी साधन गाउँपालिका लाई जिम्मा लाएपनि वडाध्यक्ष हरुले हालसम्म आफुले प्रयोग गर्दै आएको मोटरसाइकल जिम्मा लगाएका छैनन् ।
Loading ...
