कार्तिक ५ गौरीगञ्ज । अमर खेलकुद क्लव गौरीगञ्ज द्वारा आयोजित बडा दशैं कप २०८० को उपाधि गतिशील युवा क्लब बैगुन्धुरा ले जितेको छ ।आज आइतबार खजुरगाछी मा बि को खेल मैदानमा भएको फाईनल खेलमा सिद्धार्थ क्लब रतुवामाई को २ गोल बिरुद्ध ४ गोल् प्रहार गरि गतिशील युवा क्लब बैगुन्धुराले उपाधि हात पारेको हो ।
उपाधि पाए सँगै गतिशिल युवा क्लब ले नगद रु २१ हजार सहित ट्रफि र भाले प्राप्त गरेको छ भने उप बिजेता सिद्धार्थ युवा क्लब रतुवामाईले नगद रु ११ हजार सहित ट्रफि र भाले प्राप्त गरेको छ। खेलको मेन अफ द सिरिजको उपाधि सिद्धार्थ युवा क्लब का अमित बेस्रा ले जितेको छ भने सर्वाधिक गोल गर्ने खेलाडीको उपाधि गतिशील युवा क्लब बैगुन्धुरा का नबिन श्रेष्ठ ले जितेको छ ।
खेलको समापन पछी अमर खेलकुद क्लव का अध्यक्ष नन्दराज थापाले सहयोगी र खेलाडी हरुलाई धन्यवाद ज्ञापन गरेका छन्।
बिज्ञापन
बज्ञापन