रबिन्द्र बराल ।
फागुन १६, रँगेली – मोरङको रंगेली नगरपालिका २ स्थित कमल झोडा मा आगलागी हुदा तीन घर जलेर नष्ट भएको छ ।
गएराती आगलागी हुदा साेहि स्थान बस्ने राज कुमार भुजेलको १ तले १ कोठे घर जलेर नष्ट भएको छ । भुजेल काे मुल घर , गाईगुवाली र भान्सा घर समेतमा आगलागी हुदा नगद चालिस हजार रुपैयाँ चाँदी २० तोला, अन्नपात , भाडा वर्तन, लत्ता कपडा गरी जम्मा अन्दाजी तिन लाख बराबरको क्षति भएको छ ।
त्यसै गरि छिमेकी बिष्णु रिषिदेवको घर २ वटा गाई गुवाली र भान्सा समेत जलेर नष्ट भएको छ । घर धनीको भनाई अनुसार नगद छाठ्ठी हजार अन्नपात , लत्ताकपडा भाडा वर्तन गरी तिन लाख पच्चास हजार बराबरको क्षति भएको छ । त्यसैगरी छिमेकी दिप लाल रिषिदेवको घर काे भान्सा घर पुर्ण जली क्षति भएको प्रहरीले जनाएको छ ।
निजको नगद एक लाख , चाँदी २२ तोला र सुन चारआना, अन्नपात, लत्ता कपडा,भाडावर्तन गरी दुई लाख पच्चास हजार गरि जम्मा नौ लाख बराबरको क्षति भएको छ । साे आगाे नियन्त्रणका लागि स्थानीय ,नेपाल प्रहरी रंगेली नगरपालिका को दमकल, बेलबारी को दमकल र सुन्दर हरैचा काे दमकल ले राति ९ बजे पुर्ण रुपमा नियन्त्रणमा आएको ईलाका कार्यलय रंगेली का प्रहरी निरिक्षक अनमाेल खड्काले बताए ।