फागुन २६, संखुवासभा –सँखुवासभा बाट झापा आउँदै गरेको बस दुर्घटना हुँदा १४ जनाको मृत्यु भएको छ । आज बिहान भएको दुर्घटनामा अन्य ५ जनाको जिवितै उद्धार गरिएको कुरा प्रहरीले जनाएको छ ।
संखुवासभाबाट झापाकाे दमक तर्फ जाँदै गरेको बा ४ ख ७३५ नम्बरको बस आज बिहानै करिब ७ः३० बजेको समयमा संखुवासभाको मादी नगरपालिका वडा नं. ६ सातघुम्ती भन्ने स्थानमा दुर्घटना भएको थियो । बसमा कति जना सवार थिए भन्ने यकीन नभएकाे प्रहरीले जनाएकाे छ । बस सडकबाट करिब साढे ३ सय मिटर तल खसेको छ ।
मृतकहरुको पहिचान खुल्न नसकेको कुरा जिल्ला प्रहरी कार्यालय संखुवासभाका डिएसपी लालध्यज सुवेदीले जनाएको छ