जेठ ८ गौरीगञ्ज । गौरीगञ्ज गाउँपालिका को वडा नंवर १ मा पुन मतगणना गर्दा वडाध्यक्ष पदमा नेपाली काँग्रेस का उम्मेदवार कार्तिक लाल राजवँशी ८ मतको अन्तर ले बिजयी भएका छन् । उनले ११८८ मत प्राप्त गरि बिजयी भएका छन् भने उनका निकटतम प्रतिद्वन्द्वी एमाले का पर्शुराम काफ्ले ले ११८० मत प्राप्त गरेका छन् ।
यसअघि गत जेठ १ गते बिहान पार्टी प्रतिनिधि हरुको हस्ताक्षर बिनै निर्वाचन अधिकृत कार्यालय ले एमाले र काँग्रेस को वडाध्यक्ष हरुको बराबर मत ११८१ भएको परिणाम घोषणा गरेका थिए । घोषणा मा असन्तुष्टि जनाउँदै नेपाली काँग्रेस ले निर्वाचन अधिकृत कार्यालय मा पुन मतगणना का लागि उजुरी दर्ता गराएका थिए ।
त्यसपछि २ दिन सम्म गौरीगञ्जमा मतगणना स्थगित भएको थियो । स्थानीय स्तरबाट समस्याको समाधान नआएपछि जेठ २ गते बसेको जिल्ला स्तरीय सर्वदलीय बैठक ले वडा नं १ को हकमा सबै वडा को गणना पछी वडा नँ १ को वडाध्यक्ष पदको मात्र पुन मतगणना गर्ने गरि निर्णय गर्दै अन्य वडा हरुको मतगणना जारी गर्ने निर्णय गरेका थिए ।
यस बाहेक निर्वाचन अधिकृत कार्यालय ले दिएकि जानकारी अनुसार वडा नँ १ मा महिला वडा सदस्य पदमा एमालेकी रेखा राजवंशीले ११६६ मत प्राप्त गरि बिजयी भएका छन् भने दलित महिला सदस्य मा एमालेकै दुर्गा परियार ११२९ मत प्राप्त गरी विजयी भएका छन् । त्यसैगरि खुला वडा सदस्य हरु मा एमालेकै राजभक्त सुनुवार ले ९९१ र काँग्रेसका कृष्ण कुमार महतो ले ९२४ मत प्राप्त गरि बिजयी भएका छन् ।