मँसिर २८ भोजपुर । भोजपुरमा नेकपा एमाले अध्यक्ष केपी शर्मा ओलीलाई कालो झण्डा देखाइएको छ । पहिचान पक्षधरहरुले नेकपा एमलेको संकल्प यात्रामा बुधबार भोजपुर पुगेको अध्यक्ष ओली विरुद्ध नाराबाजी गर्दै कालो झण्डा देखाएका छन् ।
एमाले पार्टी कार्यालय अगाडि पहिचान बादीहरुले विरोध प्रदर्शन समेत गरेका छन् । प्रदर्शन सहित कालो झण्डा देखाएपछि पहिचन पक्षधर नेता कार्यकर्तालाई प्रहरीले नियन्त्रणमा लिएको जिल्ला प्रहरी कार्यालय भोजपुरले जनाएको छ ।
कालो झण्डा देखाउने पहिचान पक्षधर नेता कार्यकर्तालाई प्रहरीले पक्राउ गरेको जनता समाजवाद नेपालका सदस्य तथा लिम्बूवान राष्ट्रिय समितिका अध्यक्ष खगेन्द्र माखिमले जानकारी दिए । उनका अनुसार पक्राउ पर्नेमा जसपा भोजपुरका जिल्ला उपाध्यक्ष मन्जु राई,जिल्ला सदस्य दिनेश राई, धिरज राई, मणी राई, विद्यार्थी नेता धिरेन खिम्बु, तयाबङु राई र विकास राई रहेका छन् ।