पुस ६ गौरीगञ्ज । मोटरसाइकल दुर्घटनामा परी गौरीगञ्ज माध्यमिक बिद्यालयका प्रधानाध्यापक गोबिन्द घिमिरे घाइते भएका छन् । गौरीगञ्ज बाट आज साँझ बिराटनगर जादै गरेका घिमिरे सवार मोटरसाइकल बिपरित दिशा तर्फ आउदै गरेको ट्रक सँग ठोकिदा प्रअ घिमिरे र उनकी श्रीमती दिक्षा घिमिरे घाइते भएका छन् ।
प्र १०२००१ ख ९२०४ नँबरको ट्रक सँग घिमिरेको मे ७ प ६५६५ नँबरको मोटरसाइकल ठोक्किदा दुर्घटना भएको कुरा इलाका प्रहरी कार्यालय रँगेलीले जनाएको छ । प्रअ घिमिरेको खुट्टामा गम्भिर चोट लागेको र श्रीमतीको टाउकोमा चोट लागेको कुरा बुझिएको छ । घाइतेहरुलाइ उपचारका लागि बिराटनगर स्थित न्युरो अस्पताल लगिएको र ट्रक सहित चालक मोहन सरदारलाइ नियन्त्रणमा लिएको कुरा इलाका प्रहरी कार्यालय रँगेलीले गौरीगञ्ज दर्पण डटकमलाइ बताएको छ ।