जोखिम न्यूनीकरण गर्न सुनिलस्मृती गाउँपालिकामा प्रकोप नक्सा

बैशाख २ रोल्पा । बिपद जोखिम न्युनिकरण गर्न सुनिलस्मृति गाउँपालिकाले प्रकोप नक्सा तयार पारेको छ । गाउँपालिकाले पालिका तथा वडा स्तरीय प्रकोप नक्सा तयार भएको जनाएको छ । ।
गाउँपालिका, साहस नेपाल र आइएनएफ नेपाल रोल्पा शाखाको संयुक्त प्रयासमा नक्सा निर्माण कार्य सम्पन्न गरिएको कुरा स्थानिय रेडियो मालश्री एफएमले जनाएको छ ।

वडा नम्बर १, ४, ७ र ८ का नक्साहरू आइएनएफ नेपाल रोल्पा शाखाबाट र गाउँपालिका तथा वडा नम्बर २ ३, ५ र ६ का प्रकोप नक्सा साहस नेपालद्वारा तयार पारिएको जनाइएको छ । प्रकोप नक्सा निर्माणमार्फत विपद् जोखिम न्यूनीकरण तथा विपद् व्यवस्थापनमा सहयोग पुग्ने विश्वास लिइएको छ कुरा गाउँपालिकाले जनाएको छ ।