जेठ ११ झापा । गौरीगञ्ज सहित झापामा थप चार पालिकाका प्रमुखले सपथग्रहण गरेका छन् । गौरीगञ्ज लगायत कमल, मेचीनगर र गौरादहका प्रमुखले आज सपथग्रहण गरेका हुन् ।
मुख्य निर्वाचन अधिकृत गिरीराज गौतमबाट गौरीगञ्ज गाउँपालिकाको अध्यक्ष फुलवती राजवंशी, कमलका अध्यक्ष हुकुमसिंह राई, गौरादहका प्रमुख छत्रपति सुवेदी र मेचीनगरका प्रमुख गोपाल बुढाथोकीले सपथग्रहण गरेका छन् । प्रमुख निर्वाचन अधिकृत बाट सपथ खाए लगत्तै आजै गौरीगञ्जका प्रमुख फुलवती राजवंशी ले गौरीगञ्ज फर्केर फर्केर बेलुका ३ बजे गौरीगञ्जका उपाध्यक्ष लगायत वडाध्यक्ष र वडा सदस्य हरुलाई सपथ ग्रहण गराउने कार्यक्रम रहेको छ ।
यसअघि जिल्लाका ११ पालिकाका प्रमुखले मुख्य निर्वाचन अधिकृतबाट सपथ लिएका थिए । आज ४ जनाले सपथ लिएसँगै १५ पालिकाका प्रमुख, अध्यक्षले सपथ लिएका छन् । अब, ४ पालिकाका अन्य जनप्रतिनिधिहरुलाई प्रमुखहरुले सपथ गराउने छन् ।