फागुन २८ गौरीगञ्ज ।गौरीगञ्ज गाउँपालिका को आर्थिक सहयोगमा स्थानीय युवायुवती हरुलाई लोकसेवाको निशुल्क तयारी कक्षा शुरु भएको छ । शनिबार बिहान एक औपचारिक कार्यक्रमको आयोजना गरी निःशुल्क लोकसेवा तयारी कक्षा शुरु गरिएको हो ।
सिएससिआई एजुकेशन फाउण्डेशन को प्रविधिक सहयोगमा शुरु भएको कक्षामा गौरीगञ्जका ६८ युवायुवती हरु सहभागी भएका छन् ।
फाउण्डेशन का अध्यक्ष लक्ष्मी गौतम को सभापतित्वमा सम्पन्न भएको उद्घाटन कार्यक्रममा गौरीगञ्ज गाउँपालिका अध्यक्ष बाबुराजा श्रेष्ठ वडाध्यक्ष कुलप्रसाद गिरी, प्रमुख प्रशासकीय अधिकृत सन्तोष श्रेष्ठ , नेपाल बैंक लिमिटेड गौरीगञ्जका शाखा प्रमुख सञ्जय साह ईलाका प्रहरी कार्यालय गौराीगञ्ज का प्रहरी निरीक्षक राकेश रेग्मी गौरीगञ्ज माबिका प्रअ गोबिन्द प्रसाद घिमिरे लगायतको उपस्थिति रहेको थियो ।
सो निशुल्क कक्षा गाउँपालिका को युवा लक्षित कार्यक्रम अन्तर्गत सञ्चालन गरिएको र उक्त कक्षा ५० दिन सम्म सञ्चालन हुने कुरा प्रमुख प्रशासकीय अधिकृत सन्तोष श्रेष्ठ ले बताए ।