पुस ११ गौरीगञ्ज । झापाको गौरादह नगरपालिका वडा नं ७ जामबाडी मा शँकास्पद बस्तु फेला परेको छ । पञ्चकन्या चोक देखि केही उत्तर स्थानिय भक्त बहादुर खत्री को खेतमा बम जस्तो देखिने सो शँकास्पद बस्तु फेला परेको हो ।
आज दिउसो स्थानिय बालबालिका हरुले खेतमा खेल्ने क्रममा सो बस्तु फेला पारेको कुरा स्थानिय बिहान अधिकारीले गौरीगञ्ज दर्पण लाइ बताएका छन् । खेल्ने क्रममा सो बस्तु भेटेपछी उनिहरुले सो बस्तु लाइ ट्याक्टरको सामान भन्ठानेर घर लिएर गएको तर स्थानिय गाउलेहरुले उक्त बस्तु बम जस्तो लागेपछी पुन: भेटाएकै ठाउमा लगेर राखेको र प्रहरीलाइ खबर गरेको कुरा स्थानियहरुले बताएका छन् ।
घटना थाहा पाए लगतै इलाका प्रहरी कार्यालय गौरीगञ्जबाट प्रहरी निरीक्षक राकेश रेग्मी नेतृत्वको टोली घटनास्थल पुगेको र अहिले घटना स्थललाइ सील गरिएको छ । उक्त बस्तु निष्कृय पार्न चारआली बाट नेपाली सेनाको बम डिस्पोजल टोलि घटना स्थल तर्फ हिडि सकेको कुरा प्रहरी निरीक्षक रेग्मी ले बताएका छन् ।