फागुन ३० गौरीगञ्ज । आफ्नै हजुरआमाको हत्या आरोपमा नाती पक्राउ परेका छन् । गौराहद ७ पाटागाडा घर भएकी अन्दाजी ८२ बर्षिया नरमाया बिकको हत्या आरोपमा १७ बर्षिय उनका नाती सहित ४ जना किशोरहरुलाइ प्रहरीले नियन्त्रणमा लिएको छ ।
मृतकका छोरा रमेश बिकले आफ्नी आमा गत फागुन २६ गतेदेखि हराइरहेको भनि आज बुधबार इलाका प्रहरी कार्यालय गौरीगञ्जमा हुलिया निबेदन दिन आएका थिए । हराइरहेको भनिएकी महिलाको मोवाइल लोकेशन ट्रयाक गर्दा निजको घरमै लीकेशन देखाइरहेकोमा खोज तलास गर्दै जाँदा गोठमा खनिएको नयाँ माटो देखिएपछी खनेर हेर्दा गाडीएको अबस्थामा ति महिलाको शब फेला परेको कुरा प्रहरीले जनाएको छ ।
मृतक महिलालाइ शिबरात्रीको दिन नातीले रड प्रहार गरि हत्या गरेको कुरा प्रारम्भिक अनुसन्धामनले देखिएको र मृतकका १७ बर्षिय नाती सहित १४ र १६ बर्षका ४ जना किशोरहरुलाइ नियन्त्रणमा लिइ थप अनुसन्धान अघि बढाइएको कुरा प्रहरीले जनाएको छ । ( आरोपिहरु नाबालिग रहेको हुँदा समाचारमा आरोपिहरुको नाम खुलाइएको छैन )