झापा , माघ २० । मेचीनगर ६ को बर्मेली टोलमा रहेको एसएस फुटवेयरमा आगलागी भएको छ ।
श्याम खेतानले सञ्चालन गरेको सो जुत्ता कारखानामा भएको आगलागीको कारण खुल्न सकेको छैन । आज दिउँसोबाट शुरु भएको आगलागी नियन्त्रणका लागि ६ वटा बरुणयन्त्र परिचालन गरिएको इलाका प्रहरी कार्यालय काँकरभिट्टाले जनाएको छ । मेचीनगर नगरपालिकाको बरुणयन्त्र बिग्रिएका कारण समयमा दमकल पुग्न नसकेको स्थानीयको आरोप छ ।
जुत्ता कारखानामा ठूलो मात्रामा तेलका ट्याङकरहरु रहेकाले आगलागीबाट ठूलो क्षती हुनसक्ने स्थानीयले बताएका छन् ।
अहिले सुरक्षाकर्मीहरुसँगै स्थानीयहरुले घट्नास्थलमा खटिएर त्यहाँ रहेका तेलका ट्याङ्करहरु बाहिर निकालिरहेका छन् । भने आगलागी नियन्त्रणको प्रयास जारी रहेको छ ।