जेठ २७ गौरीगञ्ज । झापाको गौरीगञ्ज गाउँपालिकाले आगामी आर्थिक बर्ष २०८१ / ०८२ को निति तथा कार्यक्रमका लागि सल्लाह तथा सुझाव सँकलन गरेको छ । आतबार गाउँपालिकाको सभाहलमा राजनैतिक दलका प्रतिनिधि र पुर्व जनप्रतिनिधि हरुसँग सल्लाह तथा सुझाब सँकलन गरेको हो ।
गाउँपालिका अध्यक्ष फुलबती राजवँशी उपाध्यक्ष पुजन न्यौपाने कुँवर लगायतको उपस्थितिमा करिव १ दर्जन ब्यक्तीले सल्लाह तथा सुझाव प्रस्तुत गरेका थिए । उपस्थित अधिकाँश ब्यक्तीहरुले कृषि अनुदानको सामग्रीको दुरुपयोग र गाउँपालिकाको फितलो अनुगमन प्रति प्रश्न उठाएका थिए । उपस्थित बक्ताहरुले शिक्षा स्वास्थ्य कृषि लागु औषध दुर्ब्यसनी लगायतका समस्याहरुलाइ आगामी निति तथा कार्यक्रममा समेट्नु पर्ने सुझाब दिएका थिए ।
निति तथा कार्यक्रमको सुझाबको लागि भेला बोलाइएपनि उपस्थित सबैको सल्लाह र सुझाब नै नसुनि अध्यक्ष फुलबती राजवँशीले कार्यक्रम समापनको घोषणा गरि पालिका बाट बाहिरिएका थिए । सल्लाह र सुझबका लागि आफुहरुलाइ बोलाएर सुझाब नै नसुनि गाउँपालिका अध्यक्षले कार्यक्रम अन्त्य गरेको प्रति उपस्थितहरुले गुनासो गरेका छन् । सो भेला प्रकृया मिलाउन झार्रा टार्ने काम जस्तो मात्र देखिएको र त्यहा वडाध्यक्ष हरु र खेलकुद तथा स्वास्थ्य सँग सरोकार राख्ने ब्यक्तीहरुलाइ नबोलाइएले कर्मकाण्डिय प्रकृया पुरा गर्न मात्र कार्यक्रमको आयोजना गरेको उनिहरुले आरोप लगाएका छन् ।
Loading ...
