बैशाख १३, दमक । झापाको कमल गाउँपालिका २ मा स्कुल बसले किच्दा एक बालिकाको मृत्यु भएको छ।। नवोदय बोर्डिङ स्कूलको बसले किच्दा अढाई बर्षकी बालिका किञ्जल सुबेदीको ज्यान गएको हो ।
मंगलबार अपरान्ह करिक सवा ४ बजे भुत्लुङ–देवीचौन भित्री सडकमा सो दुर्घटना भएकोमा घाइते बालिकालाई उपचारका लागि गौरादहस्थित मेडिकलमा पुरयाएपछि तत्कालै मृत्यु भएको ट्राफिक प्रहरी पोष्ट केर्खाका इञ्चार्ज रोहित थापाले जानकारी दिए ।
उनलाई समयगढस्थित सो स्कूलको मे १ क ४०७ नम्बरको बसले किचेर गम्भिर घाइते बनाएको थियो ।