कार्तिक २३, गौरीगञ्ज । गौरीगञ्को गेउरिया खोला किनारमा नवनिर्मित सुर्य नारायण मन्दिरमा आयोजना गरिएको १२ घण्टे अखण्ड अष्टयाम सम्पन्न भएको छ । हिजो बिहिबार राति ८ बजेर १५ मिनेट बाट शुरू भएको अखण्ड अष्टयाम आज बिहान सम्पन्न भएको हो ।
नब निर्मित सुर्य नारायण मन्दिरमा बिहिबार बिहान मुर्ति स्थापना तथा प्राण प्रतिष्ठा गरिएको अवसरमा १२ घण्टे “हरे सुर्य हरे सुर्य, सुर्य सुर्य हरे हरे । हरे छठी हरे छठी छठी छठी हरे हरे” मन्त्रको अखण्ड भजन जाप गरिएको थियो ।
आज बिहान आयोजित समापन समारोहमा भजन मण्डली हरुलाई सम्मान पत्र प्रदान गरिएको थियो भने छठ पुजा समिति खजुरगाछी लाई लामो समयदेखि सहयोग योगदान पुर्याउनु हुने समाजसेवी राजेश साह र मनोज चौधरलाई समेत सम्मान पत्र सहित सम्मानित गरिएको थियो । सम्मानित हुने ब्यक्तित्व हरुलाई गाउँपालिका अध्यक्ष फुलबती राजवँशीले सम्मान पत्र प्रदान गरेका थिए ।
