सँखुवासभा बाट झापा आउँदै गरेको बस दुर्घटना मा मृत्यु भएका हरुको पहिचान खुलेको छ । १ नँबर प्रदेश प्रहरी कार्यालय बिराटनगरले दिएको जानकारी अनुसार सो बस दुर्घटनामा परी मृत्यु हुनेमा संखुवासभा मादी नगरपालिका -६ कि ३० बर्षीया सिता बि.क.,मादी नगरपालिका -६ कि ३२ बर्षीया अञ्जना कटुवाल , मादी नगरपालिका-५ का ४९ बर्षीय भवानी प्र. दाहाल , मादी नगरपालिका-२ का ४२ बर्षीय ईन्द्र अधिकारी , मादी नगरपालिका-६ कि ५ बर्षीया दिक्षा कटवाल , मादी नगरपालिका-४ का ६० बर्षीय बल बहादुर कार्की , मादी नगरपालिका-४ कि २८ बर्षीया सबिता कार्की , मादी नगरपालिका-५ का ४८ बर्षीय दिपक कुमार दाहाल, मादी नगरपालिका-५ का ५५ बर्षीय श्याम शेर्पा , मादी नगरपालिका-४ का आईत बहादुर तामाङ , मादी नगरपालिका-५ का उमेश भट्टराई ( सहचालक) , तेह्रथुम फाक्चामाराका ३१ बर्षीय विपिन निरौला (चालक), ताप्लेजुङका ३१ बर्षीया समिक्षा योञ्जन र ताप्लेजुङका ८ बर्षीय सुदिप घिसिङ रहेको कुरा १ नँबर प्रदेश प्रहरी कार्यालय ले जनाएको छ ।
त्यसैगरि सो दुर्घटना मा परी ५ जना गम्भीर घाइते भएका छन्। घाईते हुनेहरुमा संखुवासभा मादी नगरपालिका-६ का ५० बर्षीय डम्बर बहादुर कार्की , मादी नगरपालिका -४ उम्लिङकि २४ बर्षीया करिश्मा तामाङ , मादी नगरपालिका-६ का २२ बर्षीया तुलसा कटुवाल , . मादी नगरपालिका -४ का २४ बर्षीय सुवास तामाङ र मादी नगरपालिका-५ कि २७ बर्षीया युका पोखरेल रहेका छन् ।
संखुवासभाको मादी नगरपालिका-६ सातघुम्ती स्थित भित्री सडक खण्डमा बस दुर्घटना हुदा चालक सहित १४ जनाको घटना स्थलमा नै मृत्यु भएको हो भने ५ घाईते भएका छन । आज बिहान पौने ८ बजे मादीबाट झापा तर्फ आउदै गरेको बा.४ख ७३५ नम्वरको यात्रु वाहक बस सडकबाट अन्दाजी ३०० मिटर तल झरी दुर्घटना भएको थियो । दुर्घटनामा परी घाईते भएका ५ जनालाई प्रहरीले उद्धार गरी प्राथमिक स्वास्थ्य केन्द्र चैनपुर लगिएकोमा थप उपचारको लागि नेपाली सेनाको हेलिकप्टरद्वारा धरान घोपा पठाईएको छ भने मृत्यु भएकाहरुको शव प्राथमिक स्वास्थ्य केन्द्र चैनपुरको शव गृहमा राखिएको छ ।
घटना स्थलमा तत्कालै जिल्ला प्रहरी कार्यालय संखुवासभाबाट प्रहरी नायव उपरीक्षक लालध्वज सुवेदी सहितको टोली र इलाका प्रहरी कार्यालय चैनपुरबाट प्रहरी निरीक्षक सहितको टोली खटि मृतक तथा घाईतेहरुको उद्धार गरिएको हो ।