गौरीगञ्ज गाउँपालिका वडा नं ५ का लागि वडाध्यक्ष पदका स्वतन्त्र उम्मेदवार रत्न बहादुर राजवंशी ले चुनाव चिन्ह “मुडा” पाएका छन् । शनिबार निर्वाचन अधिकृत को कार्यालय ले उनलाई चुनाव चिन्ह मुडा प्रदान गरेको हो ।
राजवँशी अघिल्लो स्थानीय तहको चुनाव मा नेपाली काँग्रेसको तर्फबाट वडाध्यक्ष का उम्मेदवार थिए भने उनले मात्र २५ मतको अन्तरले एमाले सँग पराजित भएका थिए । पार्टी ले उम्मेदवार नबनाएपछि यसपटक उनले दुई वडा सदस्य को स्वतन्त्र प्यानल सहित वडाध्यक्ष को उम्मेदवारी दर्ता गराएका छन् । उनको प्यानल मा वडा सदस्य पदमा देवनारायण गन्गाई र सञ्जय कुमार सिंह रहेका छन् । उनिहरु लाई पनि चुनाव चिन्ह पनि मुडा नै प्रदान गरिएको छ । उनका प्यानल का वडा सदस्य उम्मेदवार देवनारायण गन्गाई ले अघिल्लो स्थानीय तहको चुनाव मा काँग्रेस कै तर्फ बाट वडा सदस्य पदमा निर्वाचित भएका निवर्तमान वडा सदस्य हुन् ।
उनको चुनाव चिन्ह मुडा झापाको मतपत्र को पहिलो पृष्ठको अन्तिम लहरमा अर्थात् २४ औँ लहरमा राखिएको छ ।