जेठ ७ गौरीगञ्ज । गौरीगञ्ज गाउँपालिका वडानँ १ को कार्यालयको आयोजनामा सरसफाइ सप्ताह शुरु गरेको छ । कुञ्जिबारी बजारमा आज एक कार्यक्रमको आयोजना गरि वडा नँ १ का वडाध्यक्ष कार्तिकलाल राजवँशीले सरसफाइ सप्ताहको उद्घाटन गरेका छन् । उद्घाटन पछी वडा कार्यालयको अगुवाइमा आज कुञ्जिबारी बजार क्षेत्रको सरसफाइ गरिएको छ । सरसफाइमा कुञ्जीबारी प्रहरी चौकी महाभारा प्रहरी चौकी र डाकुपाडा बिओपीका सुरक्षाकर्मीहरु लगायत वडा सदस्यहरु तथा रेडक्रस सानाकिसान सहकारी दुधे कोरोबारी सडक हेरालुहरु तथा शिक्षक एवम् स्थानियहरु सहभागी भएका थिए ।
वडा कार्यालयको अगुवाइमा यो हप्ताभरी वडा नँ १ भित्रका बिभिन्न चोक तथा बजार क्षेत्रहरुको सरसफाइ गरिने कुरा वडा सचिब सुमन रेग्मीले बताएका छन् ।
सरसफाइ सप्ताहको उद्घाटन् गर्दै वडाध्यक्ष राजवँशीले सरसफाइ स्वस्थ्य मानब जीवनको अपरिहार्य अँग भएकाले वडाको नियमित कार्यक्रम अन्तर्गत सरसफाइ सपताह शुरु गरिएको बताएका थिए ।