कात्तिक २३ गौरीगञ्ज । बिहिबार राति गौरीगञ्जमा भएको सवारी दुर्घटनमा एकजनाको मृत्यु भएको छ । वडा नम्बर ३ ठेकिटोला चोक नजिकै मोटरसाइकल दुर्घटना हुँदा वडा नँ ४ बेलडाँगी का बर्ष ३० का रोशन मगरको मृत्यु भएको छ भने वडा नँ २ का श्याम राजबँशी घाइते भएका छन् ।
राति ९.२० बजे गौरीगञ्ज बजारबाट कोरोबारीतर्फ जाँदै गरेको मे ८ प ८८९५ नम्बरको मोटरसाइकल आफै अनियन्त्रित भई दुर्घटना हुँदा मोटरसाइलक चालक मगरको मृत्यु भएको हो । त्यस्तै मोटरसाइकलमा पछाडी सवार राजवंशी घाइते भएका छन् ।
दुवैजनालाई उपचारको लागि लाईफ लाईन अस्पताल दमक पठाइएकोमा उपचारको क्रममा मोटरसाइकल चालक मगरको राति १०ः३० बजे मृत्यु भएको प्रहरीले जनाएको छ । मोटरसाइकललाई नियन्त्रणमा लिई घटना सम्बन्धमा अनुसन्धान जारी रहेको जिल्ला प्रहरी कार्यालयले जनाएको छ ।