रबिन्द्र बराल
असार १७ मोरङको रंगेलीमा बुधबार दिउँसो स्कुल बसले किचेर घाईते भएका मध्ये अर्की बालिकाको पनि मृत्यु भएको छ । उनको बिराटनगर स्थित न्युरो अस्पताल मा उपचारका क्रममा आज बिहान मृत्यु भएको हो ।
मकालु बोर्डिङ स्कुल को स्कुल बसले किव्चेर बुधबार सोहि बिद्यालय पढ्ने दुई जना बालबालिका घाईते भएका थिए । रंगेली–७ स्थित माउण्ट मकालु इङ्लिस बोर्डिङ स्कुलको को १ क ११३० नम्बरको बसले बुधबार दिउँसो ३ बजे विद्यालयमा अध्ययनरत दुई बालबालिकालाई किचेर घाइते भएका थिए ।
स्कुल छुट्टी भएपछि विद्यार्थीहरु बाहिर निस्कने क्रममा सोही स्कुलको बस अनियन्त्रीत भएर किच्दा रंगेली–७ का महादेव मण्डलका छोरा ४ वर्षिय रिपिक मण्डलको घटनास्थलमै मृत्यु भएको थियो भने दुर्घटनामा रंगेली–६ चोप्राहाका स्थानीय नरेश मण्डलकी पाँच वर्षीया छोरी सोनमकुमारी मण्डल गम्भिर घाइते भएकी थिईन । उनको विराटनगरस्थित न्यूरो अस्पतालमा उपचार भइरहेको र आज बिहान ७ बजे उपचार को क्रममा मृत्यु भएको इलाका प्रहरी कार्यालय रंगेलीले जनाएको छ ।