मँसिर ९ गतेदेखि ज्ञानोदय माबिमा अन्तर बिद्यालय चेस प्रतियोगिता हुने

मँसिर २ गौरीगञ्ज । गौरीगञ्ज ३ स्थित ज्ञानोदय आबासिय माबिमा अन्तर बिद्यालय बुद्धिचाल (चेस) प्रतियोगिता हुने भएको छ । ज्ञामनोदय माबि कै आयोजनामा मँसिर ९ गते देखि ३ दिन सम्म चल्ने सो प्रतियोगितामा गौरीगञ्ज गाउँपालिका भित्रका तथा पालिका क्षेत्र आसपासका सामुदायिक तथा निजि बिद्यालयहरुले भाग लिन पाउने कुरा आयोजक बिद्यालयकी प्रिन्सिपल कल्पना थापाले जनाएकी छन् ।
प्रतियोगितामा प्रथम हुने खेलाडी बिद्यार्थीले रु ५ हजार द्वितिय हुनेले रु ४ हजार तृतिय हुनेले रु ३ हजार चौथो हुनेले रु २५ सय पाचौ हुनेले रु २ हजार छैठौ हुनेले रु १५ सय र सातौ हुनेले रु १ हजार नगद पुरस्कारको ब्यबस्था गरिएको कुरा आयोजकले बताएको छ । प्रतियोगितामा कक्षा ३ देखि कक्षा १० सम्मका बिद्यार्थीहरुले छुट्टाछुट्टै समुहमा भाग लिन पाउने र प्रतयेक समुहका उत्कृष्ट खेलाडीहरुलाइ समेत क्षात्र र क्षात्रा तर्फ रु १ – १ हजार नगदले पुरस्कृत गरिने ब्यबस्था राखिएको छ ।