बैशाख १४ गौरीगञ्ज । भोली शुक्रबार देखि गौरीगञ्जमा अध्यक्ष कप वडास्तरिय खेलकुद प्रतियोगिता शुरु हुने भएको छ । प्रतियोगितामा फुटवल क्रिकेट र भलिवल खेलको प्रतिस्पर्धा हुने बताइएकोछ ।
गौरीगञ्ज माबिको चौरमा भलिवल खजुरगाछी माबिको चौरमा क्रिकेट र महाभारा खेल मैदानमा फुटवल को प्रतिस्पर्धा हुनेछ । प्रतियोगितामा पालिका भित्रका ६ वटै वडका टिमहरु बीच प्रतिस्पर्धा हुने र बिजेता र उपबिजेता टिमहरुलाइ नगद सहित ट्रफी र प्रमाणपत्र प्रदान गरिने कुरा प्रमुख प्रशासकीय अधिकृत सन्तोष श्रेष्ठले जनाएका छन् ।
उनका अनुसार फुटवल र क्रिकेटमा प्रथम हुने टिम लाइ नगद रु ३५ हजार सहित ट्रफि र प्रमाणपत्र प्रदान गरिने छ भने उपबिजेता टिमहरुलाइ नगद रु २१ हजार सहित ट्रफी र प्रमाणपत्र प्रदान गरिनेछ । त्यसैगरि भलिवल प्रतियोगिताका बिजेता टिम लाइ नगद रु ३१ हजार सहित ट्रफी र प्रमाणपत्र र उपबिजेता टिमलाइ नगद रु २१ हजार सहित ट्रफी र प्रमाणपत्र प्रदान गरिने छ । खेलको उद्घाटन भोली गौरीगञ्ज माबि बाट गरेर बैशाख २६ गते महाभारा खेल मैदानमा खेलको समापन सत्र हुने गाउँपालिकाले जनाएको छ ।