बिद्यार्थी बलात्कार गरि शिक्षक भारत तर्फ फरार

दमक , मंसिर २४ । झापाको दमकमा एक जना निजि बिद्यालयका शिक्षकले आफनै विद्यार्थीलाई बलात्कार गरी गर्भ बोकाएर फरार भएका छन् ।
दमकस्थित एक निजी विद्यालयका शिक्षकले कक्षा–७ मा पढ्ने १४ वर्षीया बालिकालाई गर्भ बोकाएर फरार भएका हुन् । ती बालिका उक्त विद्यालयको होस्टेलमा बस्ने गरेकी थिइन् ।
इलाका प्रहरी कार्यालय दमकका डिएसपी विजयराज पण्डितका अनुसार घटनाका विषयमा जाहेरी ढिलो आएको कारण खोजी गर्दै जाँदा ती शिक्षक भारतीय भएको बुझिएको छ ।
घटनाका बारेमा हल्ला चल्न थालेपछि शिक्षक भागेर भारत छिरेको सूचना पाएको उनले बताए । विद्यार्थी यति बेला परिवारकै साथमा रहेकी छिन् । ती बालिकाको पेटमा ६ हप्ताको गर्भ रहेको बुझिएको छ ।