कार्तिक ४, गौरीगञ्ज । गौरीगञ्जकै पहिलो स्पोटिङ क्लब अमर खेलकुद क्लव द्वारा आयोजित बडा दसैं कपको फाईनलमा सिद्धार्थ युवा क्लब रतुवामाई र गतिशिल युवा खेलकुद क्लव बैगुन्धुरा बीच प्रतिस्पर्धा हुने भएको छ ।
हिजो भएको पहिलो सेमीफाइनल खेल मा १ गोलका बिरुद्ध ४ गोल प्रहार गरि सिद्धार्थ युवा क्लब रतुवामाई ले न्यु गोल्डेन गोल क्लब दामुना माथि बिजयी हासिल गरेका थिए ।
त्यसैगरी आज भएको दोश्रो सेमिफाइनलमा मा गतिशिल युवा क्लब बैगुन्धुरा र भवानीपुर युवा क्लब गौरीगञ्ज बीच भएको खेलमा ३ का बिरुद्ध ६ गोल प्रहार गरि गतिशील युवा क्लब बैगुन्धुरा ले जित हात पारेको छन् ।
खजुरगाछी माबिको खेल मैदानमा भोलि आईतबार दिउसो १ बजे देखि फाइनल खेल सञ्चालन हुने कुरा आयोजकले जनाएको छ ।
