फागुन ६ गौरीगञ्ज । प्रजातन्त्र दिवसको अबसरमा बिभिन्न सँघ सँस्थाहरुले गौरीगञ्ज वडा नँ ६ स्थित खजुरगाछी बजारमा बिभिन्न कार्यक्रमको आयोजना गर्ने भएको छ ।
दिवसको अबसरमा भोली आइतबार खजुरगाछी बजार ब्यवस्थापन समितीले बिहान १० बजे महेन्द्रनगर चोकमा राष्ट्रिय झण्डा फहराउने कार्यक्रम राखेको छ भने साँझ ६ बजे महेन्द्रनगर चोकमा दीप प्रज्जवलन कार्यक्रम राखेको कुरा बजार ब्यवस्थापन समितीका अध्यक्ष मनोज चौधरीले जनाएका छन् । समितीले बजार सरसफाइलाइ मध्यनजर गरि डस्टबिन ब्यबस्थापन कार्यक्रम समेत आयोजना गर्ने भएको छ ।
त्यसैगरी सोसियल मिराकल फाउण्डेसन ले खजुरगाछीमा हुलाकी सडकलाइ केन्द्रित गरि मध्यान्ह १२ बजे एकै पटक सात वटा राष्ट्रिय झण्डा फहराउने कार्यक्रम राखेको छ भने बजारका भित्रि सडकहरुलाइ सुन्दर बनाउन पुष्प तथा बृक्षारोपन कार्यक्रम समेत आयोजन गर्ने भएको छ । पुष्प तथा बृक्षारोपन कार्यक्रमका लागि फाउण्डेसनले गमला तथा ड्रमको ब्यवस्थापन समेत गरेको कुरा फाउण्डेसनका सँयोजक बिक्की साहले बताएका छन् ।
दुबै सँस्थाहरुले निर्धारित कार्यक्रमहरुमा स्थानीय जनसमुदाय हरुमा उपस्थितीका लागि अपिल समेत गरेका छन् ।