चैत ३ गौरीगञ्ज । गौरीगञ्ज वडा नँ ३ का पुर्व वडाध्यक्ष मखना महतो दुर्घटनामा परी घाइते भएका छन् । शनिबार साँझ ७ बजेतिर महतो इभिनिङ वाकमा हिडेको बेला पछाडी बाट आईरहेको सिटि सफारीले ठक्कर दिदा महतो घाईते भएका हुन् ।
गौरीगञ्ज चोकबाट खजुरगाछी तिर पैदल जादै गरेका महतोलाई एनआईसी एसिया बैंक अगाडि गौ न पा ई २२ नँबरको सिटि सफारीले पछाडीबाट ठक्कर दिदा उनि घोप्टो परेर पिच सडकमा लडेका थिए । महतोको टाउकोमा चोट लागेको प्रत्यक्षदर्शीले बताएका छन् ।
घाईतेलाई उपचारका लागि बिराटनगर पठाएको तथा सिटी सफारी र चालक श्याम राजवँशीलाई प्रहरीले नियन्त्रणमा लिएको प्रहरीले जनाएको छ ।