असोज २१ गौरीगञ्ज । गए राति गौरीगञ्ज १ महाभारामा आगलागी हुँदा एक घर जलेर नष्ट भएको छ । साबिक महाभारा ४ भन्सार बस्तीका डुमनी कोचको भान्सा घर जलेर नष्ट भएको हो । गएराति २ बजे आगलागी हुँदा कोचको करिब ६० हजार मुल्य बराबरको क्षति भएको कुरा वडा नं १ का वडाध्यक्ष कार्तिक लाल राजवँशी ले बताएका छन् । भान्सा भित्र रहेको अन्न भाडाकुडा लगायतका सामानहरु जलेर नष्ट भएको स्थानीय हरुले बताएका छन् ।
प्रहरीको सक्रियता ले भान्सा भित्रको ग्यास सिलिन्डर निकाल्न सफल हुँदा ठुलो क्षति हुन बाट जोगिएको कुरा वडाध्यक्ष राजवंशी ले बताएका छन् । पिडित लाई राहतका लागि वडा कार्यालय बाट पहल भइरहेको बताइएको छ ।
