बैशाख ३, रँगेली । रंगेलीको आमतोला चोकमा ट्याक्टर दुर्घटना हुँदा दुई जनाको मृत्यु भएको छ भने अन्य १५ जना घाइते भएका छन् । मोरङ को रँगेली नगरपालिका ३ स्थित आमतोलामा शनिबार विहान ट्याक्टर दुर्घटना हुँदा मोरङको ग्रामथान गाउँपालिका–५ की ६० वर्षीया वैशाखी चौधरी र सोही ठाउँकी २५ वर्षीया रीता कुमारी माझीको मृत्यु भएको हो ।
तेतरिया आमतोला भित्री सडकखण्ड हुँदै पूर्वतर्फ गइरहेको प्रदेश १–०१–००१ त ९५५३ नम्बरको ट्याक्टर आफैँ अनियन्त्रित भए दुर्घटना भएको थियो ।दुर्घटनामा वैशाखी कुमारीको घटनास्थलमै र रीताको विराटनगरस्थित गोल्डेन अस्पतालमा मृत्यु भएको प्रहरीले जनाएको छ ।