फागुन ५ गौरीगञ्ज । गौरीगञ्ज वडा नँ १ मा आयोजित टोल स्तरीय फुटबल प्रतियोगिता को फाईनल खेलमा होकलबाडी टिमले भन्सार टिमलाई हराउदै उपाधि आफ्नो पोल्टामा पार्न सफल भएका छन् ।
अन्तिम अवस्थासम्म दुबै टिम बाट गोल हुन नसके पछी खेल पेनाल्टीमा गएको थियो । पेनाल्टी को सदुपयोग गर्दै होकलबाडी टिमले जित हात पारेको हो ।
गौरीगञ्ज वडा नँ १ को कार्यालय को आर्थिक सहयोगमा आयोजित टोल स्तरीय फुलबल प्रतियोगिता का बिजेता र उपविजेता टिमलाई शिल्ड र प्रमाणपत्र सहित क्रमश नगद रु २५ हजार र १५ हजार रुपैंया सहित पुरस्कृत गरिएको कुरा खेलकुद उपभोक्ता समिति अध्यक्ष सुमन राई ले जनाएका छन् । बिजेता टिम होकलवाडी का क्याप्टेन पारस राई र उपविजेता टिम भन्सार का क्याप्टेन सन्तोष खेवा लाई पुरस्कार हस्तान्तरण वडाध्यक्ष कार्तिक लाल राजवँशी ले गरेका थिए ।
वडाको खेलकुद बिकासका लागि वडा नँ १ को कार्यालय ले रु १ लाख रुपैयाँ बिनियोजन गरेका थिए । प्रतियोगितामा गौरीगञ्ज वडा नँ १ साबिक महाभारा गाबिस का सबै वडाका टिमहरु सहभागि भएका थिए ।