भारतीय तीर्थयात्री बोकेको बस दुर्घटना हुँदा ७ जनाको मृत्यु भएको छ। काठमाडौंबाट जनकपुर जाँदै गरेको प्रदेश २–०३–००१ ख ७९९४ नम्बरको बस बाराको जितपुरसिमरा उपमहानगरपालिका-२२ चुरियामाईमा राति करिब १ बजे दुर्घटनाग्रस्त भएको बाराका प्रहरी प्रमुख एसपी होबिन्द्र बोगटीले जानकारी दिए।
मृत्यु हुनेमा ४ जना महिला र ३ जना पुरुष रहेका छन्। मृतकमध्ये ६ जना भारतीय र एकजना नेपाली हुन्। ३ जनाको घटनास्थलमै र ४ जनाको उपचारका क्रममा मृत्यु भएको बताइएको छ।
घाइते १७ जनाको हेटौँडा अस्पतालमा उपचार भइरहेको छ। मृत्यु हुनेमा एकजना नेपाली पनि रहेको खुलेको छ। सनाखत हुन बाँकी छ। दुर्घटनाको कारण खुल्न बाँकी रहेको र यसबारे अनुसन्धान भइरहेको प्रहरीले बताएका छन् ।
प्रतिक्रिया लेख्नुहोस्
Loading ...
