फागुन २०, गौरीगञ्ज । बहुप्रतिक्षित हुलाकी राजमार्ग को बिबादित गौरीगञ्ज बजार क्षेत्रको बिबाद समाधान भएको छ । गेउरिया पुलदेखि नहर सम्मको सडक खण्ड नापि कार्यलयको नक्सा अनुसार सरकारी अमिन मार्फत नाप्ने निर्णय मा सरोकार वाला हरुले सहमति जनाएपछि सो बिबाद समाधान भएको हो ।
गेउरिया पुलदेखि नहर सम्मको सडक खण्डमा गाउँपालिका ले स्थानिय अमिन द्वारा पटकपटक नाप जाँच गर्दा प्रत्येक पटक को नाप फरक फरक आउन थाले पछी सो क्षेत्रमा बिबाद उत्पन्न भएको थियो । विवादका कारण सो क्षेत्रमा हुलाकी सडक निर्माण कार्य शुरु हुन सकेको छैन । बिबाद का कारण काम शुरु हुन नसकेपछि गौरीगञ्ज गाउँपालिकाले पत्र काटेर सरोकारवाला हरुलाई छलफलको लागि बोलाएको थियो । छलफलका क्रममा सरोकारवाला हरुबाट नापिको नक्सा अनुसार सडक छुट्याउनु पर्ने माग उठेपछी सो निर्णय गरिएको हो । बहुसँख्यक सरोकारवाला हरुबाट नापि नक्सामा जाने राय आएपछि गाउँपालिका उपाध्यक्ष दिपेन्द्र थापा ले नापि कार्यलयको नक्सा अनुसार सडक नाप्ने निर्णय सुनाएका थिए । सो निरमा सरोकारवाला हरुबाट बहुसँख्यले तालि बजाएर समर्थन गरेका थिए ।
Loading ...
