पुस २० गौरीगञ्ज । गौरीगञ्ज ३ स्थित गौरीगञ्ज बहुमुखि क्याम्पस मा कक्षा ११ मा भर्ना भएका नव आगन्तुक बिद्यार्थीहरुलाइ स्वागत गरिएको छ । स्वतन्त्र बिद्यार्थी युनियनले आयोजना गरेको स्वागत कार्यक्रममा यस वर्ष कक्षा ११ मा शिक्षा र बाणिज्य शास्त्र सँजाय मा भर्ना हुन आएका १ सय १० जना बिद्यार्थीहरुलाइ स्वागत गरिएको छ ।
स्वबियु सभापति देब ताजपुरियाको सभापतित्व र गाउँपालिका अध्यक्ष बाबुराजा श्रेष्ठ को प्रमुख आतिथ्यतामा सम्पन्न कार्यक्रममा वडा नँ ३ का वडाध्यक्ष मखना महतो, क्याम्पस प्रमुख सर्वत लाल राजवंशी प्रहरी निरीक्षक राकेश रेग्मी वडा सदस्य हिमा आचार्य लगायत क्याम्पसका प्राध्यापकहरुको उपस्थिति थियो । नव आगन्तुक बिद्यार्थीहरुलाइ अतिथीहरुले खादा र अबिर लगाइ दिएर स्वागत गरेका थिए भने स्वबियुका तर्फबाट स्वागत मन्तब्य कृष्ण दास बाबाजीले राखेका थिए ।