कात्तिक ११ गौरीगञ्ज । गौरीगञ्जको खजुरगाछी मेलाको दिन एक जनाको दुर्घटनामा परि ज्यान गएको छ । मोटरसाइकल दुर्घटनामा परि रतुवामाई नगरपालिका ३ बस्ने ६० वर्षीय कैलाप्रसाद ताजपुरियाको मृत्यु भएको हो । हिजो गौरीगञ्ज ५ चिल्हारामा दुइ मोटरसाइकल एक आपसमा ठोक्किंदा दुर्घटना भएको स्थानीय हरुले बताएका छन् । हिजो बेलुका करिब ७ बजे तिर को ३३ प ६३६४ नं को मोटरसाइकल र बिपरित दिशाबाट आउँदै गरेको को२८प ३०८६ नं को अर्को मोटरसाइकल एकापसमा ठोक्किएर दुर्घटना भएको हो ।
मोटरसाइकल दुर्घटनामा परि।गौरीगञ्ज ५ पेट्रोल पम्पनजिकै भित्री सडकमा हिजो बेलुका दुईवटा मोटरसाइकल एकापसमा ठोक्किदा ६३६४ नँबरको मोटरसाइकल चालक कैलाशप्रसाद ताजपुरियको मृत्यु भएको हो । अर्का ३०८६ नँबरको मोटरसाइकल चालक रतुवामाइ नगरपालिका कै तुलसी ताजपुरिया घाइते भएका छन् ।
घटना लगत्तै दुबै जनालाई दमक स्थित निम्स अस्पताल लगिएको मा अस्पतालका चिकित्सक ले कैलास प्रसाद ताजपुरिया लाई मृत घोषणा गरेको थियो ।