असार ३, गौरीगञ्ज । एक महिना यता गौरीगञ्जमा सवारी साधन चोरी को घटनामा वृद्धि भएको छ । प्रहरीले साईकल, मोटरसाइकल चोरीको घटना हरु नियन्त्रण गर्न नपाउदै गएराति गौरीगञ्ज बाट सिटी सफारी रिक्सा समेत चोरी भएको छ ।
गएराति वडा नँ ६ बाट स्थानीय बङ्ठा भनिने धर्मेन्द्र गोस्वामी को सिटी सफारी चोरी भएको हो । चोरी भएको सिटी सफारीको महत्वपूर्ण पाटपुर्जा हरु झिकिएको अवस्थामा वडा नँ ५ मल्हाटोल को एउटा खाडीमा फेला परेको कुरा इलाका प्रहरी कार्यालय गौरीगञ्जले जनाएको छ । स्थानीय सतलाल दासका अनुसार फेलापरेको सिटी रिक्सामा पाँच वटै ब्याट्री झिकिएको अवस्थामा सिटी फेला परेको हो ।
यसअघि यहि महिना गौरीगञ्जबाट २ वटा मोटरसाइकल तथा दर्जनको हाराहारीमा साईकल चोरी भएको छ भने गएको बुधबार मात्रै गौरीगञ्ज हटिया बाट ४ वटा साईकल चोरी भएको छ । प्रहरीले चोरीमा संलग्न २ जनालाई लाई नियन्त्रणमा लिए पनि चोरीको घटनामा कमि आउन सकेको छैन ।